Polşada Rusiyaya işləməkdə şübhəli bilinən 15 nəfər saxlanılıb. Müstəntiqlərin fikrincə, onlar Ukrayna üçün silah və humanitar yardım olan qatarları partlatmağı planlaşdırıblar.

Oxu24.com xəbər  verir  ki,Bu barədə “Gazeta Polska” mənbələrə istinadən yazır.

Məlumata görə, bu, tarixdə Polşada fəaliyyət göstərən ən böyük Rusiya kəşfiyyat şəbəkəsidir.

Buraya Belarus, Rusiya və Ukrayna vətəndaşları daxil olub.

Onlar təxribat hazırlamaqla yanaşı, Moskva üçün məlumat toplamalı, hərbi və mülki obyektlərin fotoşəkillərini çəkməli, Ukrayna və NATO əleyhinə əhval-ruhiyyəni qızışdırmalı idilər.

Nəşrin məlumatına görə, onlar uzun müddət izlənilib və “qətl riski çox böyük olanda” saxlanılıb.

Tərcümə: Miri Məcidli