Meteoroloqlar qlobal temperaturun görünməmiş səviyyədə olduğunu açıqlayıb

Bir neçə həftədir ki, qlobal temperatur insan sağlamlığı və iqtisadiyyat üçün ağır nəticələrlə görünməmiş səviyyədədir.

 

Oxu24.com xəbər verir ki,Bu barədə Ümumdünya Meteorologiya Təşkilatının  bəyanatında deyilir.

 

"Bu il müşahidə olunan geniş və intensiv istilik dalğaları həyəcan vericidir, lakin təəccüblü deyil, çünki təəssüf ki, müşahidə olunan şərtlər İqlim Dəyişikliyi üzrə Hökumətlərarası Panelin proqnozlarına uyğundur", - təşkilat bildirib.

 

WMO qeyd edib ki, hər il yüz minlərlə insan qarşısı alına bilən istiliklə bağlı səbəblərdən ölür.

 

Təşkilat əlavə edib ki, indi Şimali Amerikada, Asiyanın bəzi hissələrində, eləcə də Afrikanın şimalında və Aralıq dənizində eyni vaxtda belə bir fenomen müşahidə olunur: temperatur bir neçə gün ərzində 40 dərəcə Selsidən yuxarı qalxır.

 

Mütəxəssislər bildiriblər ki, 1980-ci illərdən bu yana belə hadisələrin sayı 6 dəfə artıb.

 

Daha əvvəl bildirilmişdi ki, Saxaradan qitəyə yaxınlaşan “Xaron” antisiklonuna görə bəzi Avropa ölkələrində temperatur 50 dərəcəyə qədər yüksələ bilər. Avropanın bir sıra regionlarında isti və güclü külək səbəbindən meşə yanğınlarının başlaya biləcəyi də qeyd edilir. Bu, artıq Yunanıstan və İspaniyada baş verib. Kanar adalarının Palma adasında yanğınlar səbəbindən artıq 4000-dən çox insan təxliyə edilib.

 

Tərcümə: Nigar