Fransa Rusiyaya etiraz etdi

Fransanın Xarici  İşlər  Nazirliyi  Rusiyanın Qara dəniz vasitəsilə taxıl daşınmasına dair müqaviləni yeniləməmək qərarı ilə bağlı açıqlama yayıb.

 

Oxu24.com xəbər  verir  ki, “Rusiya bu regionda dəniz nəqliyyatının qarşısının alınmasına görə məsuliyyət daşıyır və Ukrayna limanlarına qeyri-qanuni blokada tətbiq edir”, - bəyanatda deyilir.

 

Rusiyanın Qara Dəniz Taxıl Dəhlizi Sazişindən çıxmasını pisləyən bəyanatda Rusiyanı qlobal ərzaq təhlükəsizliyinə “şantaj”a son qoymağa və qəbul edilən qərardan geri addım atmağa çağırıb.

 

Vurğulanıb ki, Fransa öz tərəfdaşları ilə “dünyanın ən həssas əhali qrupları üçün ərzaq təhlükəsizliyi risklərini azaltmaq üçün fəaliyyətini artırmağa davam edəcək”.

 

Bəyanatda həmçinin qeyd olunub ki, Fransa Ukraynada ərzaq təhlükəsizliyi və qida çatışmazlığından əziyyət çəkən insanlara kömək etmək üçün bu il üçün beynəlxalq ərzaq yardımını 840 milyon avrodan çox artırıb.

 

Tərcümə: Nigar