Britaniya Rusiyaya qarşı yeni sanksiyalar tətbiq edir

Britaniya hökuməti Rusiya Federasiyasına qarşı yeni sanksiyalar elan edib.

 

Oxu24.com xəbər verir ki, Rusiya Federasiyasının təhsil naziri Sergey Kravtsov ukraynalı uşaqların məcburi deportasiyasına görə qara siyahıya salınıb.

“Uşaqların zorla deportasiyası ilə bağlı qorxulu proqramında və əlaltılarının nifrətlə dolu təbliğatında biz Rusiya prezidenti Vladimir Putinin Ukraynanı xəritədən silmək niyyətini görürük.

 

Bugünkü sanksiyalar Putin rejimini dəstəkləyənləri, o cümlədən Ukraynanın məhv edilməsini, milli kimliyinin məhv edilməsini və gələcəyinin silinməsini istəyənləri hesaba çəkir”, - Britaniyanın xarici işlər naziri Ceyms Kleverli “The Guardian”a bildirib.

 

Keçən ay Aİ-nin sanksiyalar paketinə “Ukraynalı uşaqların zorla köçürülməsi və deportasiyasına görə məsuliyyət daşıyanlar və Ukraynanın mədəni irsinin talanmasına görə məsuliyyət daşıyanlar” yer alırdı.

 

Tərcümə: Nigar