BMT-nin baş katibi Putinin qərarından üzülüb

BMT-nin baş katibi Putinin qərarına münasibət bildirib.

Oxu24.com xəbər  verir  ki,BMT-nin baş katibi Antonio Quterreş Rusiyanın Qara dəniz taxıl sazişindən, o cümlədən Qara dənizin şimal-qərbində naviqasiya təhlükəsizliyinə dair Rusiya zəmanətlərini geri götürməsi qərarından dərin təəssüf hissi keçirdiyini bildirib.

“Rusiya Federasiyasının bugünkü qərarı hər yerdə ehtiyacı olan insanlara zərbə vuracaq.Yüz milyonlarla insan aclıqla, istehlakçılar isə qlobal həyat dəyəri böhranı ilə üz-üzədir. Onlar bunun əvəzini ödəyəcəklər ",-b deyə BBC BMT-nin baş katibindən sitat gətirib.

 

Razılaşmanın dayandırılması o deməkdir ki, BMT və Moskva arasında Rusiya taxıl və gübrələrinin ixracını asanlaşdırmaq üçün nəzərdə tutulan müvafiq pakt da ləğv edilib.

Quterreş əlavə edib ki, BMT-nin məqsədlərindən biri qlobal ərzaq təhlükəsizliyini təmin etməkdir.

Quterreş Rusiya prezidenti Vladimir Putinə taxıl sazişinin saxlanılması ilə bağlı yeni təkliflə cavab məktubu göndərib. Bu barədə onun nümayəndəsi Twitter-də məlumat yayıb.

 

Tərcümə: Miri Məcidli