Moskva məhkəməsi Ukraynadan olan pilotların  həbs müddətini uzadıb

Moskvanın Lefortovo Məhkəməsi Rusiya Federasiyasında təxribat planlaşdırmaqda şübhəli bilinən  Ukrayna hərbi kəşfiyyatının pilotlarının həbs müddətini uzadıb.

 

Oxu24.com xəbər  verir   ki, Bu barədə RİA Novosti açıqlama  yayıb.

 

FSB ötən ayın əvvəlində iki pilot Aleksandr Morozov və Dmitri Şimanski ilə videonu yayıb.

Kadrlarda pilotlar Rusiya Federasiyasına təxribat və yanacaq-energetika obyektlərinə ziyan vurmaq üçün uçduqlarını bildirirlər.

Pilotlardan biri bildirib ki, Ukrayna kəşfiyyatının rəhbərliyi radioaktiv çirklənmə üçün “çirkli” nüvə bombasının yaradılması və ötürülməsi imkanlarını müzakirə edib.

"Məhkəmə A.Q.Morozov və D.L.Şimanskinin həbs müddətinin uzadılması ilə bağlı müstəntiqin vəsatətini təmin edib", - məhkəmədən bildirilib.

Məhkəmənin məlumatına görə, pilotlar Rusiya Cinayət Məcəlləsinin üç maddəsi ilə ittiham olunurlar: silah və sursatın qanunsuz yeridilməsi, təxribat və sərhədi qanunsuz keçmək.

Təqsirləndirilən şəxslər istintaq hərəkətləri üçün paytaxtın “Lefortovo” İstintaq Təcridxanasına köçürülüblər.

 

Tərcümə:Aynurə Məcidova