Çin Fukusima İn-Dai Atom Elektrik Stansiyasında toplanan radioaktiv tullantı sularını axıdmaq planına görə Yaponiyadan dəniz məhsullarının idxalını qadağan edib.

Oxu24.com-un  South China Morning Post -a istinadən  xəbərinə görə, Çin Baş Gömrük İdarəsi tərəfindən edilən açıqlamada, təxliyyə planının "qeyri-kafi" olduğu, bu səbəbdən təhlükəsizliyin təmin edilməsi üçün "bütün lazımi tədbirlərin" görüləcəyi bildirilib. 

Çinin riskli qida məhsullarının idxalının qarşısını almağa davam edəcəyi bildirilən açıqlamada Yaponiyadan dəniz məhsulları idxalının qida təhlükəsizliyi səbəbiylə qadağan edildiyi qeyd edilib.

Açıqlamada Yaponiyanın müxtəlif bölgələrindən gətirilən qida məhsullarının, xüsusilə də dəniz məhsullarının sertifikat sənədlərinin yoxlanılmasının keçmişlə müqayisədə daha sərt olacağı vurğulanıb.

Çin Beynəlxalq Atom Enerjisi Agentliyinin (MAQATE) Fukusima İn-Dai Atom Elektrik Stansiyasına dair hesabatının qanuniliyini şübhə altına alıb və radioaktiv tullantı sularının okeana buraxılmasına icazə verməyəcəyini bəyan edib.

Açıqlamada hesabatın “tələsik” hazırlandığı və “qiymətləndirmədə iştirak edən ekspertlərin fikirlərini tam əks etdirmədiyi” bildirilib.

2011-ci ilin martında baş verən zəlzələdən sonra Çin Yaponiyanın bəzi bölgələrindən ərzaq idxalını qadağan edib.

MAQATE iyulun 4-də bildirib ki, Yaponiyanın Fukusima İçi-Dai Atom Elektrik Stansiyasında yığılan tullantı sularının dənizə axıdılması planı təhlükəsizlik standartlarına uyğundur.

Rəsmi cədvəl açıqlanmasa da, okeana təxliyə dövrünün bu ilin yayında başlayacağı açıqlanıb. Qeyd olunur ki, MAQATE-nin hesabatı prosesi sürətləndirə bilər.

Qonşu ölkələr Çin, Cənubi Koreya və Tayvan Tokio hökumətinin evakuasiya qərarına reaksiya verib.

2011-ci ilin martında Fukusima Dai-İçi Atom Elektrik Stansiyasının reaktorunda 9 bal gücündə zəlzələ ilə sunami nəticəsində yaranan nüvə çökmələri havaya qarışdı və stansiyanın ətrafı “evakuasiya zonası” elan edildi.

Tərcümə: Nigar