Türkiyə 63 tona yaxın qızıl satdı

Ümumdünya Qızıl Şurası  bildirib ki, dünya mərkəzi bankları, ilkin məlumatlara görə, 2023-cü ilin may ayında valyuta ehtiyatlarından 27,4 ton qızıl satıb.

 

Oxu24.com xəbər  verir  ki,may ayında 63 ton qızıl satan Türkiyə Mərkəzi Bankı ən çox qızıl satan ölkə olaraq qalıb.

 

Mart ayından etibarən ölkənin Mərkəzi Bankı 160 tona yaxın satıb ki, bu da bankın əvvəlki 12 ayda alışına bərabərdir.

 

May ayında qızıl satan digər ölkələr Özbəkistan (11 ton), Qazaxıstan (2 ton) və Almaniya (2 ton) olub.

 

Hesabat ayında səkkiz bank ehtiyatlarını artırıb.

 

Polşa Milli Bankı ehtiyatlarını 263 tona çatdıraraq, 19 ton alıb. Çin may ayında 16 ton qızıl alıb və ehtiyatlarını 2092 tona çatdıraraq, ardıcıl yeddinci ay ehtiyatlarını artırmağa davam edib.

 

Həmçinin, may ayında qızıl alıcıları arasında Sinqapur (4 ton), Rusiya (3 ton), Hindistan (2 ton), Çexiya (2 ton) və Qırğızıstan (2 ton) olub.

 

Tərcümə: Miri Məcidli