İran  ölkələri dollardan imtina etməyə çağırır

İran prezidenti İbrahim Rəisi Şanxay Əməkdaşlıq Təşkilatına üzv ölkələri ABŞ dollarından imtina etməyə çağırıb.

 

Oxu24.com xəbər verir  ki,İran Prezidenti milli valyutaya üstünlük verilməsini təklif edib.

 

“Qərbin hegemonluğuna dolların hegemonluğu kömək edir. Yeni iqtisadi sistem yaratmaq üçün ondan imtina etmək və ölkələr arasında hesablaşmalarda milli valyutalardan istifadə etmək lazımdır”, - deyə  Raisi ŞƏT-ə üzv dövlətlərin başçıları Şurasının iclası zamanı deyib.

 

Qeyd edək ki, təşkilatın Hindistanın sədrliyi ilə keçirilən 23-cü sammitində ŞƏT İranın assosiasiyaya üzv ölkələr sırasına daxil olduğunu rəsmən elan edib.

İran dövlətlərarası assosiasiyanın 9-cu üzvü oldu.

ŞƏT 2001-ci ilin iyununda Şanxayda yaradılıb

Əvvəlcə təşkilat altı ölkədən ibarət idi: Rusiya, Qazaxıstan, Qırğızıstan, Çin, Tacikistan və Özbəkistan. Hindistan və Pakistan 2017-ci ildə qoşulub.

 

Tərcümə: Miri Məcidli