Rusiya və Çin hərbi sahədə görüş keçirdi

Çin Xalq Azadlıq Ordusu Rusiya Hərbi Dəniz Qüvvələri ilə sıx əməkdaşlığa ümid edir.

 

Oxu24.com xəbər verir  ki,bu barədə Rusiya Hərbi Dəniz Qüvvələrinin baş komandanı admiral Nikolay Evmenovla görüşündə Çinin müdafiə naziri Li Şanfu məlumat verib.

 

"Biz inanırıq ki, hər iki tərəfin birgə səyləri ilə iki ölkənin ordusu arasında əlaqələr dərinləşəcək və möhkəmlənəcək", - Li Şanqfu WeChat sosial şəbəkəsində deyib.

 

O, Rusiya və Çin donanmaları arasında tez-tez və sıx qarşılıqlı əlaqənin olduğunu vurğulayıb.

Çin Müdafiə Nazirliyinin rəhbəri əlaqələrin möhkəmlənməsinin davam edəcəyinə ümid etdiyini bildirib.

Daha tez-tez birgə patrul və təlimlərin keçirilməsi planlaşdırılır. Li Şanfunun sözlərinə görə, iki ölkə liderlərinin rəhbərliyi altında silahlı qüvvələr arasında əməkdaşlıq bundan sonra da daha sürətlə inkişaf edəcək.

Bundan əvvəl Çinin müdafiə naziri Sinqapurda keçirilən Şanqri-La Dialoq təhlükəsizlik sammitində çıxış edib.

Müdafiə Nazirliyinin rəhbəri vurğulayıb ki, “müəyyən ölkələr” silahlanma yarışını gücləndirərkən və suveren dövlətlərin işlərinə qarışarkən Çin dialoqa sadiqdir.

 

Tərcümə: Aynurə Məcidova