İsrail ABŞ-dan daha 25 F-35 aldığını açıqladı

Bazar günü, iyulun 2-də İsrail Müdafiə Nazirliyi Lockheed Martin şirkətinin istehsalı olan daha 25 ədəd F-35 təyyarəsinin ABŞ-dan alınacağını açıqlayıb.

 

Beləliklə, İsrail Hərbi Hava Qüvvələri əməliyyat başa çatdıqdan sonra bu tipli 75 təyyarənin sahibi olacaq.

 

Oxu24.com xəbər verir ki, bu barədə İsrail mətbuatı məlumat yayıb.

 

Yaxın aylarda bağlanması planlaşdırılan sövdələşmənin məbləği 3 milyard dollardır.

 

İsrail daha əvvəl ABŞ-dan 50 ədəd F-35 sifariş etmişdi, daha 25 ədəd almaq imkanı var.

 

Hazırda İsrail Müdafiə Qüvvələrinin Hərbi Hava Qüvvələrində üç F-35 eskadronu var: iki döyüş eskadronu (140-cı - Qızıl Qartal və 116-cı - Cənub Şirləri) və bir təlim eskadronu (117-ci - Birinci Jet).

 

Tərcümə: Nigar