İsrail köhnə Sovet S-200 raketi ilə vuruldu

Suriyadan İsrail ərazisinə zenit raketi atılıb və havada partlayıb. Onun parçaları Raxat şəhərinə düşüb. İsrail Müdafiə Qüvvələri buraxılış qurğusuna və digər hədəflərə cavab zərbəsi endirib.

 

Oxu24.com xəbər verir  ki,bu barədə İsrail KİV-i İ məlumat yayıb.

 

Raketin buraxılışı gecə yarısına yaxın qeydə alınıb. 

Saat 02:00 radələrində İDF-nin mətbuat xidməti İsrail Hərbi Hava Qüvvələrinin cavab zərbəsi endirdiyini bildirib. Raketin atıldığı qurğu və əlavə hədəflər vurulub.

Suriyanın SANA agentliyi Suriyanın hava hücumundan müdafiə sisteminin Homs bölgəsində işə salındığını bildirib. Suriya müxalifətinin saytları Tartus bölgəsində partlayış səslərinin eşidildiyini yazıb.

İsrailin Ynet saytı yazır ki, təxminən 60 il əvvəl istehsal olunmuş S-200 (Sa-5) zenit raketinin fraqmentləri Rahatın üzərinə düşüb. Bildirilib ki, raket 400 km-dən çox uçub. Qəzet qeyd edir ki, əgər bu, həqiqətən də S-200 raketi idisə, o zaman bu raket üçün məsafə rekordu qeydə alınmışdı.

Mümkündür ki, bu, İsrail ərazisinə hədəflənmiş raket buraxılışıdır və İsrail Hərbi Hava Qüvvələrinin hücumunu dəf edərkən təsadüfi buraxılış deyil, deyə sayt yazıb.

 

Tərcümə: Nigar