Rusiya tərəfi meyitləri yandırır.

Oxu24.com xəbər  verir ki,Ukrayna Silahlı Qüvvələrinin Baş Qərargahı Facebook-da bildirib  ki, ruslar ölənlərin cəsədlərini yandırmaqla Ukrayna cəbhəsində böyük itkiləri gizlətməyə çalışırlar.

Baş Qərargahın məlumatına görə, hazırda Berdyansk limanı ərazisində səyyar krematoriyalardan biri gecə-gündüz işləyir. Hazırda ölən rus hərbçilərinin 50-yə yaxın cəsədi kremasiyaya məruz qalır.

"İşğalçılar hər gün xeyli itkilər verirlər, bunu gizlətməyə çalışırlar, ölənlərin ailələrini Rusiya təbliğatının reklam etdiyi müavinət və kompensasiyalardan məhrum etmək kimi ənənəvi rus təcrübəsini tətbiq etməkdə davam edirlər", - hesabatda deyilir.

Baş Qərargah qeyd edib ki, ölən rus hərbçilərinin kremasiyası onların şəxsiyyəti müəyyən edilmədən və uçota alınmadan həyata keçirilir.

Tərcümə: Miri Məcidli