Stokholmda saxlanılan müsəlmanlar üçün müqəddəs kitab - Quranın nüsxəsinin yandırılmasına etiraz edən bir qrup iraqlı cümə axşamı İsveçin Bağdaddakı səfirliyinin ərazisinə soxulub.

Oxu24.com xəbər verir  ki, Bu barədə “Shafaq News” portalı məlumat yayıb.

Məlumata görə, cümə axşamı İsveç diplomatik missiyasının binası yaxınlığında yüzdən çox etirazçı toplaşıb.

Bir qrup etirazçı Bağdadın mərkəzi hissəsində yerləşən darvazaları sındıraraq İsveç səfirliyinin ərazisinə daxil ola bilib.

Al Sumaria telekanalının məlumatına görə, səfirliyin ərazisinə daxil olan şəxslər artıq oranı tərk ediblər. Etiraz piketinə qatılan digər iraqlılar da binanı tərk ediblər. Bildirilir ki, iştirakçılar İslam ziyarətgahlarından birinin təhqir olunmasına etiraz olaraq İsveç səfirinin İraqdan çıxarılmasını tələb ediblər.

Stokholmdakı aksiya polisin icazəsi ilə iyunun 28-də Stokholmun mərkəzində keçirilib. İraqdan olan 37 yaşlı mühacir Salvan Momika Quranın səhifələrini qopararaq yandırıb. 

Tərcümə: Miri Məcidli