Putin Qətər əmiri ilə danışıb

Rusiya lideri Vladimir Putin Qətər əmiri Təmim ibn Həməd Al Tani ilə telefonla danışıb.

 

Oxu24.com xəbər  verir  ki,bu barədə Kremlin mətbuat xidməti məlumat yayıb.

 

Qətər əmiri Vladimir Putinlə söhbəti zamanı 24 iyun hadisələri ilə bağlı Rusiya rəhbərliyinin hərəkətlərini dəstəklədiyini bildirib.

 

Dialoq zamanı Putin və Təmim ibn Həməd Al Tani Rusiya Federasiyası ilə Qətər arasında tərəfdaşlığın yüksək səviyyəsini qeyd edib, həmçinin onun müxtəlif sahələrdə daha da möhkəmlənməsində ortaq maraqlı olduqlarını təsdiqləyiblər.

 

Bundan əlavə, Rusiya prezidenti və Qətər əmiri Nazirlər Şurasının sədri, Qətər Xarici İşlər Nazirliyinin rəhbəri Məhəmməd bin Əbdülrəhman Al Taninin ötən həftə Rusiya Federasiyasına səfərinin nəticələrini müsbət qiymətləndiriblər.

 

Rusiya dövlətinin başçısı Qətər əmirini taxta çıxmasının 10 illiyi və qarşıdan gələn Qurban bayramı münasibətilə də ürəkdən təbrik edib.

Vladimir Putin və Təmim ibn Həməd Əl Tani təmasları davam etdirmək barədə razılığa gəliblər.

 

Tərcümə:Aynurə Məcidova