Moskvada xüsusi rejim ləğv edilib.

Oxu24.com xəbər  verir  ki,Federal Təhlükəsizlik Xidmətinin region üzrə mətbuat xidməti iyunun 26-da Moskva və Moskva vilayətində antiterror əməliyyatı  rejiminin ləğv edildiyini bildirib.

“Antiterror əməliyyatının rəhbəri 26 iyun 2023-cü il, Moskva vaxtı ilə saat 09:00-dan etibarən Moskva və Moskva vilayətində KTO-nun hüquqi rejimini ləğv etmək qərarına gəlib”, - məlumatda deyilir.

Moskva və Moskva vilayəti üzrə FSB, insanların həyatına, sağlamlığına, əmlakına və maraqlarına təhlükə olmadığı üçün xüsusi  rejiminin ləğv edildiyini açıqlayıb.

Bundan əvvəl Rusiya prezidentinin mətbuat katibi Dmitri Peskov antiterror əməliyyatı rejiminin yaxın vaxtlarda ləğv ediləcəyini bildirmişdi.

Xatırladaq ki, iyunun 24-də mümkün terror aktlarının qarşısını almaq üçün Moskva və Moskva vilayəti ərazisində antiterror əməliyyatı rejimi tətbiq edilib.

Tərcümə:Aynurə Məcidova