Sergey Şoyqunun görüntüləri paylaşılıb.

Oxu24.com xəbər  verir  ki, Rusiya Müdafiə Nazirliyi nazir Sergey Şoyqu ilə video yayımlayıb və bildirilir ki, o, Ukraynadakı Qərb qoşun qrupunun “birliklərindən birinin” “irəli komanda məntəqəsini yoxlayıb”.

Bu, Wagner PMC-nin rəhbəri Yevgeni Priqojinin Şoyqunun çıxarılmasını tələb edən silahlı üsyana başlamasından sonra Şoyqunun ilk görüntüsüdür.

Rusiya Müdafiə Nazirliyi bildirir ki, Şoyqu komanda məntəqəsində qrup komandiri, general-polkovnik Yevgeni Nikiforovun “mövcud vəziyyət” və “düşmənin hərəkətlərinin xarakteri” haqqında məruzəsini dinləyib.

Nazir Ukrayna ordusunun “təmas xəttinə uzaqdan yaxınlaşmalarla bağlı” planlarını qabaqcadan aşkara çıxarmaq üçün fəal şəkildə kəşfiyyat aparmağı tapşırıb.

Videonun  çəkildiyi vaxt göstərilməyib.

Tərcümə: Miri Məcidli