Silah dolu anbar partladı

Bolqarıstanda silah anbarında partlayış baş verib.

 

Oxu24.com xəbər  verir  ki,Müxtəlif hərbi materialların saxlandığı anbar bazar günü gecə ölkənin cənub-şərqindəki Karnobat şəhəri yaxınlığında partlayıb.

Bolqarıstan Teleqraf Agentliyinin yerli sakinlərə istinadən verdiyi məlumata görə, ötən gecə anbar ərazisində bir neçə güclü partlayış baş verib, ardınca yanğın baş verib.

 

Hadisə zamanı zərərçəkənlər barədə məlumatın olmadığını bildirən polis hadisə faktını təsdiqləyib. Anbar ərazisi mühasirəyə alınıb.

Fövqəladə vəziyyətin yerini 72 saatdan gec olmayaraq yoxlayacaq ekspertlər qrupu yaradılacaq.

Agentlik qeyd edir ki, anbar bolqar silah alverçisi Emilian Gebrevə məxsusdur. Keçən ilin iyulunda orada  yanğın olub, ehtimal ki, yanğın törədilib, lakin hadisənin təhqiqatı hələ də davam edir.

Hökumətin xəbər xidməti xəbər verir ki, insidentlə əlaqədar Bolqarıstanın Baş naziri Nikolay Denkov Bolqarıstanın hərbi-sənaye kompleksinin (MİK) dövlət və özəl istehsal müəssisələrinin təhlükəsizliyini təmin etmək üçün qabaqlayıcı tədbirlərin görülməsinə göstəriş verib.

Qeyd olunur ki, dövlətə məxsus bütün hərbi-sənaye kompleksi zavodlarında və yaxın ərazilərdə təhlükəsizlik tədbirləri gücləndiriləcək.

 

Tərcümə: Aynurə Məcidova