Ukrayna ilə İsrail arasında siyasi gərginlik yaşanır

Ukraynanın İsraildəki səfirliyi İsrail hakimiyyətini  Rusiya  ilə sıx əməkdaşlıqda ittiham edib.

 

Oxu24.com xəbər  verir  ki,Müvafiq bəyanat diplomatik nümayəndəliyin sosial şəbəkələrində dərc olunub.

“Bunu 2023-cü ilin birinci yarısında İsrailin Ukraynaya humanitar yardımının demək olar ki, tamamilə olmaması ilə üst-üstə düşən bir sıra kifayət qədər mübahisəli hadisələr sübut edir”, - bəyanatda deyilir.

 

Bu inkişaflar arasında səfirlik İsrailin xarici işlər naziri Eli Koenin bu ilin fevralında Kiyevə “səmərəsiz” səfərini, həmçinin baş nazir Benyamin Netanyahunun müxtəlif KİV-lərə verdiyi silsilə müsahibələri, o cümlədən iyunda Jerusalem Post qəzetinə verdiyi son müsahibəni qeyd edir.

 

Səfirliyin bəyanatında qeyd olunur ki, keçmişdə İsrailin baş naziri həmişə İsrailin Ukraynaya müdafiə yardımı sahəsində tam fəaliyyətsizliyini Suriyada Rusiya ilə xüsusi münasibətləri və Rusiyada yəhudi əhalisinin olması ilə əsaslandırıb.

Bununla belə, diplomatik şöbə qeyd edib ki, son müsahibədə Qərb silahlarının Ukrayna döyüş meydanından Suriya və İran hakimiyyətinə ötürülməsi ilə bağlı uydurma və spekulyativ fərziyyələr irəli sürülüb və bu, səfirliyin narahatlığına səbəb olub.

Ukraynanın İsraildəki səfirliyi vurğulayır ki, bitərəflik haqqında şifahi demaqogiya arxasında gizlənən İsrail rəhbərliyi faktiki olaraq Rusiya ilə münasibətləri fəal şəkildə inkişaf etdirir.

Diplomatlar bildirirlər ki, yerlərdə İsrail hökumətinin neytrallığı açıq-aydın Rusiyayönlü mövqe kimi qiymətləndirilir.

Ukraynanın İsraildəki səfirliyi İsrail hökumətini mövqeyini dəyişməyə və Kiyevə müdafiə vasitələri sahəsində dəstək verməyə çağırıb.

Bu bəyanatdan sonra məlum olub ki, İsrail Xarici İşlər Nazirliyi Ukrayna səfiri Yevgeni Korniyçuku “diplomatik töhmət” vermək üçün çağırmağı planlaşdırır.

 

Tərcümə: Miri Məcidli