ABŞ səfiri casusluğa görə saxlanılan  jurnalistin  məhkəməsinə  gedib

ABŞ-ın Rusiyadakı səfiri Lin Treysi casusluqda ittiham olunan “The Wall Street Journal” qəzetinin jurnalisti Evan Qerşkoviçin həbs müddətinin uzadılması ilə bağlı şikayətə baxmaq üçün məhkəməyə gəlib.

Oxu24.com xəbər verir  ki,məhkəmə iyunun 22-də Moskva Şəhər Məhkəməsində keçirilib.

Casusluqla bağlı cinayət işinin materialları məxfi olduğu üçün iclas bağlı qapılar arxasında keçirilir.

 

Mayın 23-də istintaqın tələbi ilə Lefortovo Məhkəməsi WSJ müxbirinin həbs müddətini avqustun 30-dək uzadıb.

Xatırladaq ki, amerikalı jurnalistin saxlanması martın 30-da  olub. FSB-nin məlumatına görə, Gerşkoviç Rusiya hərbi-sənaye kompleksinin müəssisələrindən birinin fəaliyyəti ilə bağlı məxfi məlumatlar toplayıb. Casusluq maddəsi ilə cinayət işi başlanıb. Məhkəmə Qerşkoviçi mayın 29-dək həbs edib. Şübhəli bütün ittihamları tamamilə rədd edir.

Rusiya Xarici İşlər Nazirliyi daha əvvəl ABŞ-a prosesə təzyiq cəhdləri ilə bağlı xəbərdarlıq etmişdi. Xarici işlər nazirinin müavini Sergey Ryabkov vurğulayıb ki, Rusiya öz daxili ehtiyaclarına, bu vəziyyətə aid olan norma və qanunvericilik aktlarına uyğun hərəkət edəcək.

 

Tərcümə: Miri Məcidli