Belqorod vilayətinin Şçetinovka kəndinə pilotsuz təyyarələrdən partlayıcılar atılıb.

Oxu24.com xəbər verir  ki,“Shot” Telegram kanalı Belqorod vilayətinin Şçetinovka kəndinə iki pilotsuz təyyarə hücumu barədə məlumat yayıb.

Telekanalın məlumatına görə, saat 11:00 radələrində kəndə dron uçub, oradan əldəqayırma partlayıcı qurğu atılıb. Daha sonra hücum yarım saat sonra təkrarlanıb.

Kənd sərhəddən 400 metr aralıda yerləşir. Məqalə müəlliflərinin fikrincə, pilotsuz təyyarələr Xarkov vilayətinin Boqoduxovski rayonunun Okop kəndindən (sərhəddən 1,7 km) buraxıla bilərdi.

Partlayıcı maddələrdən ölən və ya tikililərə ziyan dəyməsi barədə məlumat yoxdur.

Bundan əvvəl qubernator Qladkov bildirmişdi ki, Belqorod vilayəti bir ay ərzində 7800-dən çox atəşə məruz qalıb.

Tərcümə: Aynurə Məcidova