Sudanda atəşkəsin başa çatması ilə toqquşmalar şiddətlənir

Sudan ordusu ilə Çevik Dəstək Qüvvələri (HDK) arasında aprelin 15-dən bəri davam edən qarşıdurmalar iyunun 18-də başlayan 3 günlük atəşkəsin sona çatması ilə daha da şiddətlənib.

Oxu24.com xəbər verir ki,şahidlərin sözlərinə görə, paytaxt Xartumun qərbində yerləşən Umdurman şəhərində ağır və yüngül silahlardan istifadə edilməklə ağır toqquşmalar baş verib.

Paytaxtın şimalındakı Bəhri şəhərindən atışmaların gəldiyi bir vaxtda yanğın və tüstünün yüksəldiyi görülüb.

Döyüş təyyarələri Bəhri və Umdurmanda yerləşən HDK qüvvələrini hədəfə alıb.

“Üsyançı qüvvələrin dərinliklərində əməliyyatlar aparılır”

"Mühəndislər Ordusunun Xüsusi Əməliyyat Qüvvələri (HDK nəzərdə tutulur) üsyançı qüvvələrin dərinliklərində əməliyyatlar aparır", - Sudan ordusunun bəyanatında deyilir.

Açıqlamada çoxlu sayda döyüş maşınının tam təchizatla qəbul edildiyi bildirilib.

Sudanda üçüncü aya qədəm qoyan qarşıdurmalarda 1000-ə yaxın insan həyatını itirib, 5 minə yaxın insan isə yaralanıb.

 

Tərcümə: Nigar