ABŞ Ukraynaya daha 1 milyard dollar verdi

ABŞ Rusiyanın işğalından sonra Ukraynanın bərpasına kömək etmək üçün əlavə 1,3 milyard dollar ayıracaq.

Vəsaitlərin böyük hissəsi ölkənin enerji sisteminin və mühüm infrastrukturun bərpasına yönəldiləcək.

 

Oxu24.com RBC-Ukraynaya istinadən xəbər verir ki, bunu Londonda Ukraynanın bərpasına dair beynəlxalq konfransda ABŞ dövlət katibi Entoni Blinken deyib.

 

“İndi demək istəyirəm ki, ABŞ Konqresinin köməyi ilə biz 1 milyard dollardan çox yeni maliyyə yardımı paketi təqdim edəcəyik.

Xüsusilə, biz Ukraynanın kritik enerji infrastrukturunu bərpa etmək üçün təxminən 520 milyon dollar sərmayə qoyuruq” deyən o, “Rusiya Ukraynanı  məhv etməyə davam etdiyi üçün biz Ukraynanın yenidən qurulmasına kömək etmək üçün buradayıq” deyə o bildirib.

 

ABŞ Dövlət Departamentindən verilən açıqlamaya görə, yeni maliyyələşdirmə ABŞ-ın Ukraynaya ümumi maliyyəsini təxminən 64 milyard dollara çatdırır.

ABŞ pulu Ukrayna hökumətinin əməliyyat xərclərini və təcili bərpa prioritetlərini maliyyələşdirmək üçün 50 milyard avro təklif edən Avropa Komissiyasının daha böyük yardım paketinə əlavə olunacaq.

 

Tərcümə: Miri Məcidli