Ukrayna üçün yeni hərbi zavod tikilir.

Oxu24.com xəbər  verir  ki, strateji sənayelər nazirinin müavini Sergey Boev Paris aviasalonunda Reuters agentliyinə bildirib ki, Ukrayna Qərb silah şirkətləri ilə ölkədə fabriklər qurmaq üçün danışıqlar aparır.

O, bildirib ki, söhbət Almaniya, İtaliya, Fransa və Şərqi Avropa istehsalçılarından gedir.

"Əminik ki, yaxın bir neçə ay ərzində müqavilə sazişləri imzalayacağıq" deyə Boev bildirib.

Onun sözlərinə görə, Ukraynaya xarici silah şirkətlərini cəlb etməklə Kiyev qlobal müştəriləri hədəfə almaq üçün öz ehtiyaclarını daha effektiv ödəməklə yanaşı, müdafiə sənayesini də inkişaf etdirə biləcək.

Bundan əlavə, ukraynalılar üçün iş yerləri yaradacaq.

Paris aviaşousu çərçivəsində nazir müavini dron istehsalçıları ilə də əlaqə yaradıb.

“Biz müxtəlif səviyyələrdə əməkdaşlığı müzakirə etdik. Bəzi şirkətlər isə gəlməyə, sərmayə qoymağa və dron istehsal etməyə hazır olduqlarını deyirlər”, - Boev deyib, lakin hansı şirkətlərdən bəhs etdiyini açıqlamaqdan imtina edib.

Tərcümə: Miri Məcidli