Hindistanda qatar qəzasında ölənlərin sayı 290-a çatıb

Hindistanın Orissa ştatında iyunun 3-də baş verən qatar qəzasında ölənlərin sayı 290-a yüksəlib.

 

Oxu24.com xəbər verir  ki,Hindistanın Orissa ştatının Balasore bölgəsində Bahanaga Bazar Dəmiryol Stansiyası yaxınlığında iki sərnişin və bir yük qatarının iştirakı ilə baş verən qəzada daha iki nəfər xəsarət alıb.

 

Beləliklə, 900-dən çox insanın yaralandığı qəzada ölənlərin sayı 290-a yüksəlib.

 

Dəmir yolu orqanlarının başlatdığı araşdırmada, ilk təsbitlərə görə qəzaya "siqnal xətası"nın səbəb ola biləcəyi bildirilib.

 

Coromandel Express üçün tranzit siqnalı verilsə də, sonra siqnal kəsilsə də, əsas xəttə daxil olan qatar yük qatarı ilə toqquşub.

 

Qəza ilə bağlı geniş hesabatın qısa müddətdə hazırlanacağı gözlənilsə də, siqnalın verilmə və ləğv edilməsinin səbəbi hələlik məlum deyil.

 

Hindistanın milli mediasına görə, sözügedən qəza ölkədə son 20 ilin “ən böyük qatar qəzası” olaraq xarakterizə edilir.

 

Tərcümə: Nigar