BMT: Sudanda münaqişə nəticəsində 1 milyondan çox uşaq didərgin düşüb

Birləşmiş Millətlər Təşkilatının Uşaq Fondu Sudanda münaqişə başlayandan bəri 1 milyondan çox uşağın qaçqın düşdüyünü bildirib.

Oxu24.com xəbər  verir  ki,Birləşmiş Millətlər Təşkilatının Uşaq Fondunun (UNICEF) Sudan nümayəndəsi Mandeep O'Brien verdiyi yazılı açıqlamada, 6 iyun tarixinə Sudanda 330 uşağın həyatını itirdiyi, 1900 uşağın yaralandığı barədə etibarlı məlumatların olduğunu bildirib.

 

Giriş maneələri səbəbindən 13 milyon uşağın ciddi humanitar yardıma ehtiyacı olduğunu vurğulayan O'Brien, "Sudanda iki aydır davam edən qarşıdurma səbəbiylə 1 milyondan çox uşaq evlərini tərk edib" deyə bildirib.

 

Açıqlamada Darfurdakı vəziyyətin xüsusilə narahat olduğu, bölgədən təsdiqlənmiş məlumatların əldə edilməsinin çətin olduğu bildirilib.

 

Darfurda təxminən 5,6 milyon uşağın olduğu ifadə edilən açıqlamada, onlardan təxminən 270 mini evindən didərgin düşüb.

 

"Sudanın gələcəyi təhlükə altındadır və biz uşaqların ölümünü və əzabını qəbul edə bilmərik" dedi O'Brien. O, açıqlamalarından istifadə edərək qeyd edib ki, Sudanda uşaqlar dəhşətli kabuslar yaşayır və ən ağır yükə məruz qalırlar.

 

Sudan ordusu bir vaxtlar dəstəklədiyi, lakin müstəqil və paralel ordu kimi fəaliyyət göstərdiyi üçün təhlükə olaraq gördüyü Çevik Dəstək Qüvvələrinin (HDK) 2 il ərzində orduya tam inteqrasiyasını istəyirdi.

 

HDK-nın mülki hökumətdən sonra təxminən 10 il davam edən bir müddətdə bunu qəbul edə biləcəyini bəyan etməsindən sonra bu ilin əvvəlində başlayan söz savaşı və gərginlik paytaxt Xartum və müxtəlif şəhərlərdə tərəflər arasında silahlı qarşıdurmaya çevrildi. 

 

Tərcümə: Nigar