ABŞ İrana qarşı sanksiyaları ləğv edə bilər - REUTERS

Tehran nüvə proqramı ilə bağlı bir sıra öhdəlikləri yerinə yetirməyə razı olarsa, ABŞ İranın neft ixracına qarşı sanksiyaları ləğv edə bilər.

 

Oxu24.com -un  məlumatına  görə,Reuters mənbələrə istinadən xəbər verir ki, onların arasında uranın nüvə silahı yaratmaq üçün lazım olan səviyyəyə qədər zənginləşdirilməsindən imtina da var.

 

İran rəsmisinin sözlərinə görə, belə bir qərar iki ölkə nümayəndələrinin apardığı dolayı danışıqların nəticələrindən biri ola bilər.

O, iddia edir ki, əgər ABŞ və İran məhbusların mübadiləsi və İranın aktivlərinin dondurulması barədə razılığa gəlsələr, gərginliyin azaldılması üçün əlavə addımlar İran neftinin ixracına qarşı sanksiyaların ləğvini əhatə edə bilər.

 

Bunun üçün Tehran uranı 60%-dən yuxarı zənginləşdirməmək və MAQATE ilə daha sıx əməkdaşlıq etmək öhdəliyi götürməlidir.

 

Qərb rəsmisi Reuters agentliyinə bildirib ki, tərəflər İranı nüvə silahı yaratmaq üçün lazım olan 90% zənginləşdirilmiş urana çatmamaq üçün status-kvona nail olmaq niyyətindədirlər.

 

Onun sözlərinə görə, Tehran BAEA ilə əməkdaşlığı dərinləşdirməyə razılaşarsa və daha müasir sentrifuqaların quraşdırılmasından imtina edərsə, Qərb xaricdə yerləşən İran fondlarının əhəmiyyətli hissəsini sərbəst buraxa bilər.

 

Tərcümə: Miri Məcidli