Tokayev Qazaxıstanın Rusiyadakı səfirini istefaya göndərib

Qazaxıstanın Rusiyadakı səfiri Yermek Koşerbayev tutduğu vəzifədən azad edilib.

 

 

Oxu24.com Rusiya mətbuatına istinadən xəbər  verir   ki,  bu qərarı ölkə prezidenti Kasım-Jomart Tokayev verib.

 

"Yermek Koşerbayev Qazaxıstan Respublikasının Rusiya Federasiyasındakı fövqəladə və səlahiyyətli səfiri vəzifəsindən azad edilərək Şərqi Qazaxıstan vilayətinin akimi təyin edilsin", - dövlət başçısının mətbuat xidməti bildirib.

 

58 yaşlı Koşerbayev 2020-ci ilin yanvarından Qazaxıstan Respublikasının Rusiya Federasiyasındakı fövqəladə və səlahiyyətli səfiri vəzifəsində çalışıb.

 

Bundan əvvəl o, Xarici İşlər Nazirliyinin rəis müavini və məsul katibi vəzifələrində çalışıb, eyni zamanda Şərqi Qazaxıstan vilayətinin administrasiyası rəhbərinin birinci müavini olub.

 

Tərcümə: Miri Məcidli