Yunanistan sahillərində ilin ən böyük faciəsi olub.

Xarici media bildirir ki, Mora yarımadası yaxınlığında qanunsuz miqrantları daşıyan gəmi aşıb. Nəticədə 79 nəfər ölüb, 100 nəfərin qurtarıldığı bildirilir.

Məlumata görə, sözügedən gəmi miqrantları Liviyadan İtaliyaya daşımaq üçün yola çıxıb. Gəmidə dəqiq neçə nəfərin olduğu bilinməsə də, 700 nəfərin olduğu ehtimal edilir. 

Köçkünlərin Suriya, Əfqanistan, Pakistan və Fələstindən olduqları bildirilir.

Digər tərəfdən BMT-nin açıqlamasında görə, 2023-cü ilin əvvəlindən 700 mindən çox miqrant Avropaya keçib. Qurumun son hesabatına görə, dünyada 110 milyondan çox adam yaşadıqları yerləri tərk etməyə məcbur olublar.