280 milyard dollardan çox pul oğurlandı

ABŞ-da COVID-19 yardım fondundan 280 milyard dollardan çox vəsait oğurlanıb

 

ABŞ-da epidemiya zamanı COVID-19 yardım fondundan 280 milyard dollardan çox vəsaitin oğurlandığı, 123 milyard dollardan çox vəsaitin isə israf edildiyi açıqlanıb.

Oxu24.com -un Associated Press -ə istinadən  xəbərində  görə,ABŞ hökumətinin Covid-19 yardımı üçün cəmi 4,2 trilyon dollar ayırdığı bildirilib.

Hesabatda hadisə “ABŞ tarixinin ən böyük fırıldaqçılığı” olaraq xarakterizə edilib və bu məbləğin 280 milyard dollardan çoxunun oğurlandığı, 123 milyard dollardan çoxunun isə israf edildiyi bildirilib. Bildirilib ki, bu, COVID-19-a verilən ümumi yardımın 10 faizinə bərabərdir.

Digər tərəfdən, müstəntiqlər və ekspertlər, hökuməti COVID-19 epidemiyasının əvvəlində yardım üçün ayrılan vəsaiti tez bir zamanda bölüşdürməyə çalışmaqda günahlandırdılar, yardım üçün müraciətlərə bir neçə məhdudiyyətin olduğunu və kifayət qədər nəzarətin olmadığını iddia edərək, bunun səbəb olduğunu iddia etdilər.

Rəsmilərin dediyinə görə, fırıldaqçılar işsizlik müavinəti almaq üçün həbsxanalardakı məhbusların və ölənlərin sosial təminat nömrələrindən istifadə ediblər və bunu ölkənin bir çox ştatlarında ediblər.

Vaşinqtonun Şərq Bölgəsi Baş Prokurorluğunun Fırıldaqçılıq və Ağ Yaxalı Cinayətlər Şöbəsinin rəisi Dan Fruchter dedi: "Burada hər kəsin istifadə edə biləcəyi sonsuz pul hovuzu var idi. İnsanlar qanuni olmasa da, sosial baxımdan məqbul olduğunu düşünərək özlərini aldatdılar."

ABŞ Ədliyyə Departamentinin COVID-19 Fırıldaqçılıq Bölməsinin direktor köməkçisi Mayk Qaldo yardım fondunun oğurlanması ilə bağlı "Bu, görünməmiş bir fırıldaqçılıqdır" deyib.

Bildirilir ki, Vaşinqton hökuməti indiyədək aralarında əsgərlər, keşişlər, digər məmurlar və cinayətkarlar da daxil olmaqla 2230-dan çox adamı fırıldaqçılıqda ittiham edərək hərəkətə keçib və minlərlə adamın istintaqı davam edir.

 

Tərcümə: Aynurə Məcidova