Qazaxıstan Rusiyadan aviasiya yanacağının idxalına qadağa qoyub

Qazaxıstan Rusiyadan dəmir yolu ilə idxal edilən aviasiya yanacaqlarına müvəqqəti qadağa qoyub.

 

Oxu24.com  xəbər  verir   ki, Qazaxıstan Energetika Nazirliyindən verilən açıqlamada müvəqqəti qadağanın ölkədə çox miqdarda aviasiya yanacağının olması səbəbindən alındığı bildirilib.

 

Açıqlamada, Almatıda 25 min ton, Astanada isə 6 min ton aviasiya yanacağının hava limanlarının ehtiyacları üçün vaqonlarda saxlandığı qeyd edilib.

 

Qadağa qərarının müddəti ilə bağlı dəqiq tarix verilməyib.

 

Rusiya mətbuatı daha əvvəl bildirmişdi ki, Qazaxıstan Milli Dəmir Yolu Şirkəti (KTJ) iyunun 14-dən iyulun 14-dək Rusiya aviasiya yanacağının daşınmasına qadağa qoyub.

 

Tərcümə:Aynurə Məcidova