Rusiya prezidenti Vladimir Putin təkcə Quranın yandırılması ilə bağlı cinayət işinin təhqiqatının çeçen müstəntiqlərinə verilmədiyini, cinayətkarın da cəzasını çəkmək üçün müsəlman bölgələrindən birindəki koloniyaya göndəriləcəyini bildirib.

Oxu24.com xəbər  verir  ki, Putin bu haqda yerli mediaya müsahibəsində  danışıb.

“... Biz Çeçenistanın İstintaq Komitəsinə Quranın kütləvi şəkildə məhv edilməsi ilə bağlı cinayəti araşdırmağı tapşırdıq. Və o, ədliyyə nazirinin dediyi kimi, cəzasını Rusiya Federasiyasının əhalisinin əksəriyyəti müsəlman olan regionlarından birində yerləşən azadlıqdan məhrumetmə yerlərində çəkəcək”, - deyə Putin vurğulayıb.

Bundan əvvəl yerli sakin Nikita Juravel Volqoqraddakı Katedral məscidi yaxınlığında Quranı yandırdığına görə saxlanılıb.

Rusiya İstintaq Komitəsinin sədri Aleksandr Bastrıkinin qərarı ilə İstintaq Komitəsinin Volqoqrad vilayəti üzrə İstintaq İdarəsi tərəfindən başlanmış cinayət işi əlavə araşdırmalar üçün İstintaq Komitəsinin Çeçenistan Respublikası üzrə İstintaq İdarəsinə verilib.

Tərcümə: Miri Məcidli