Kosovodakı NATO qüvvələrinə Türkiyə rəhbərlik edəcək

Türkiyə bu payızda planlaşdırılmış rotasiya çərçivəsində Kosovoda NATO-nun rəhbərlik etdiyi sülhməramlı qüvvələrin komandanlığını öz üzərinə götürəcək.

Oxu24.com xəbər  verir ki,bu barədə Bloomberg-ə məsələ ilə tanış olan Türkiyə rəsmiləri məlumat verib.

NATO-nun ABŞ-dan sonra ikinci ən böyük ordusuna sahib olan Türkiyənin KFOR sülhməramlı missiyasının rəhbərliyini oktyabr ayında İtaliyadan təhvil alacağı ehtimal edilir.

Hakimiyyətin təhvil verilməsi Kosovoda son toqquşmalardan əvvəl də planlaşdırılıb və Türkiyənin seçimi yekun deyildi.

NATO-nun tələbi ilə Türkiyə 30 sülhməramlının yaralanmasına səbəb olan və Serbiya ilə Kosovo arasında onilliklər davam edən münasibətlərin normallaşması prosesini təhlükə altına alan etirazlardan sonra Kosovoya xüsusi təyinatlılar batalyonu yerləşdirib.

 

Tərcümə: Nigar