Ukrayna bu istiqamətdə irəliləyib

Ukrayna bəzi ərazilərdə irəliləyib.

Oxu24.com xəbər  verir  ki, Ukrayna müdafiə nazirinin müavini Anna Malyar son 24 saat ərzində Ukrayna ordusunun bəzi yerlərdə 200-1100 metr arasında Bəhmut istiqamətində irəlilədiyini bildirib.

Malyar, sosial media hesabından verdiyi açıqlamada ölkənin şərq cəbhəsindəki vəziyyəti dəyərləndirib.

Şərqin qarşıdurmaların episentri olmağa davam etdiyini bildirən Malyar, "Əsgərlərimiz Bəhmut bölgəsində müdafiədən hücuma keçdi.

Son gündə Bəhmut istiqamətində bəzi yerlərdə 200 ilə 1100 metr arasında irəlilədik" - deyə bildirib.

Rusların sözügedən istiqamətdə müdafiəyə keçərək mövqelərini qorumağa çalışdıqlarını qeyd edən Malyar, "Düşmən hazırda özünü müdafiə etmək üçün ehtiyatlarını dərinliklərdən bu bölgəyə çəkir" ,- deyə açıqlamada qeyd edilib.

Rus təhlükəsizlik şirkəti “Vaqner”in muzdlularının bəzi arxa hissələrdə qaldığını vurğulayan Malyar, hazırda Rusiyanın nizami ordusunun hava-desant hücum bölmələrindən istifadə edərək döyüş əməliyyatları apardığını bildirib.

 

Tərcümə: Miri Məcidli