Avstraliya Ukraynaya 41 döyüş təyyarəsi verə bilər

Avstraliya hakimiyyəti Amerika istehsalı olan 41 McDonnell Douglas F/A-18 Hornet qırıcısının Kiyevə təhvil verilməsi ilə bağlı ABŞ və Ukrayna ilə danışıqlar aparır.

Onlar Avstraliya Ordusu tərəfindən istismardan çıxarılıb və anbardadırlar.

Oxu24.com xəbər verir  ki, bu barədə “Australian Financial Review” mənbələrə istinadən yazır.

Qəzet yazır ki, təyyarənin bir hissəsi ehtiyat hissələri üçün istifadə oluna bilər, lakin təyyarə avadanlığının mümkün transferi Ukrayna ilə danışıqların mətbuata çıxdığı ən böyük sövdələşmə ola bilər.

Hornet dördüncü nəsil qırıcıdır və hələ də ABŞ, İspaniya, Kanada, İsveçrə, Finlandiya, Malayziya və Küveytdə xidmətdədir. Onlar İraq, Əfqanıstan, Serbiya, Liviya və Suriya da daxil olmaqla bir sıra hərbi münaqişələrdə istifadə olunub. Avstraliya Ordusunda beşinci nəsil təyyarələrlə əvəz olunduqları üçün onlar silindi.

Financial Review-a görə, danışıqlar uğurlu olarsa, təyyarələr dörd aydan sonra hazırlıq vəziyyətinə gətirilə bilər. Kiyev, Kanberra və Vaşinqton bu nəşrlə bağlı rəsmi açıqlama verməyib.

 

Tərcümə: Nigar