Qırğızıstanda dövlət çevrilişi etmək istəyən şəxslər  saxlanılıb

Qırğızıstanın Milli Təhlükəsizlik üzrə Dövlət Komitəsi (GNKB) hakimiyyəti zorla ələ keçirmək məqsədilə kütləvi iğtişaşlar təşkil etməyi planlaşdıran 30-dan çox şəxsin həbs edildiyini bildirib.

Oxu24.com  xəbər verir ki, faktla bağlı cinayət işi başlanıb, kompleks xüsusi istintaq hərəkətləri həyata keçirilib.

"Müəyyən edilib ki, cinayətkar qrup il ərzində öz sıralarına tərəfdarların cəlb edilməsi və ölkə üzrə ən narazı vətəndaşların sıralarına cəlb edilməsi istiqamətində məqsədyönlü işlər həyata keçirib.Əsas təşkilatçı və ideoloji ruhlandırıcı vətəndaş fəalı və Eldik Şurasının sədridir. ”, - deyə mətbuat xidməti əlavə edib.

"Cinayətkar qruplaşmanın tərkibində yüzdən çox adam var. Məlumat var ki, yaxın vaxtlarda təşkilati məsələlərin maliyyələşdirilməsi və əsas vəzifəli şəxslərin maaşlarının ödənilməsi üçün xarici mənbələrdən xeyli vəsaitin daxil olacağı gözlənilirdi.", - MTN vurğulayıb.

Qrupun 30-dan çox üzvü bir gün əvvəl saxlanılıb, fəalın əsas tərəfdaşları etiraflar edib. Saxlanılanların hamısı Qırğızıstan Milli Təhlükəsizlik Dövlət Komitəsinin müvəqqəti saxlanma təcridxanalarına yerləşdirilib.

 

Tərcümə:Nigar