Ukrayna qüvvələri Krıma zərbələr endirib.

Oxu24.com xəbər verir  ki,Krımın “rəhbəri” Sergey Aksyonov bildirib ki, ötən gecə bölgədə hava hücumundan müdafiə qüvvələri tərəfindən beş PUA vurulub, daha dördü isə elektron müharibə sistemləri tərəfindən zərərsizləşdirilib.

Onun sözlərinə görə, PUA-lardan birinin düşməsi nəticəsində Cankoy şəhərində özəl sektora aid üç evin və iki avtomobilin şüşələri sınıb.

Pilotsuz təyyarələrin düşdüyü yerlər  dəqiqləşdirilməyib. Lakin o, əlavə edib ki, “fərdi evin ərazisində 1 ədəd partlamamış PUA tapılıb”.

Aksyonov bildirib  ki, hücum nəticəsində hər hansı ölən  və ya xəsarət alan yoxdur.

Öz növbəsində, Ukrayna Müdafiə Qüvvələrinin “Cənub” Birgə Əlaqələndirici Mətbuat Mərkəzinin rəhbəri Natalya Qumenyuk bildirib ki, Krım özünü Ukrayna olduğunu hiss etməlidir.

“Mövsüm davam edir. Krım hiss etməlidir ki, Ukraynadır. Nə əkmişiksə, onu biçəcəyik”, - deyə  “Cənub” komandanlığının nümayəndəsi bildirib.

Miri Məcidli