Prezident Rəcəb Tayyib Ərdoğan Çankaya Köşkündə keçirdiyi mətbuat konfransında Prezident Hökümət Sisteminin yeni kabinet üzvlərini açıqlayıb.

Oxu24.com xəbər verir  ki, Mehmet Şimşək Prezident Hökümət Sisteminin yeni kabinetində xəzinə və maliyyə naziri olacaq.

Yeni dövrdə Türkiyə iqtisadiyyatını idarə edəcək adlar açıqlanarkən, daha əvvəl nazirlik və iqtisadiyyatdan məsul baş nazirin müavini vəzifələrində çalışmış Mehmet Şimşək Xəzinə və Maliyyə Nazirliyinə təyin edilib.

1967-ci ildə Batmanda anadan olan Şimşək ibtidai və orta təhsilini Batmanın mərkəzində, liseyi isə Gercüşdə tamamlayıb. Şimşək 1988-ci ildə Ankara Universiteti Siyasi Elmlər Fakültəsinin İqtisadiyyat fakültəsini dövr ikincisi olaraq bitirib.

Şimşək 1993-cü ildə Exeter Universitetində maliyyə və iqtisadiyyat üzrə magistr dərəcəsi alıb. Daha sonra Türkiyə, ABŞ və İngiltərənin aparıcı maliyyə qurumlarında çalışan Şimşək 22 iyul 2007-ci il seçkilərində AK Partiyadan Qaziantep Millət vəkili seçildi.

Bu tarixdən sonra qurulan 60-cı Hökumətdə Xəzinədən məsul dövlət naziri olan Şimşək, 2009-cu ilin may ayında açıqlanan kabinet dəyişikliyi ilə Maliyyə Naziri vəzifəsinə təyin edildi. 64-cü Hökumətdə İqtisadiyyatdan məsul Baş nazirin müavini vəzifəsinə təyin edilən Şimşək, AK Partiya sədri və Baş nazir Binəli Yıldırımın sədrliyi ilə qurulan yeni hökumətdə iqtisadiyyatdan məsul Baş nazirin müavini vəzifəsini də icra edib.

İngilis dilini bilən Şimşək evlidir və üç övladı var.

Miri Məcidli