ABŞ Konqresi tarixi qərar qəbul edib

ABŞ Konqresi 31,4 trilyon dollarlıq borc tavanını qaldıran və bununla da defoltun qarşısını alan iki partiyalı qanun layihəsini qəbul edib.

Oxu24.com xəbər  verir  ki, “Reuters”in məlumatına görə, bu barədə Senat çoxluğunun lideri Çak Şumer bildirib.

Senatın Nümayəndələr Palatasının qəbul etdiyi qanun layihəsini təsdiqləmək üçün səs verdiyini qeyd edən Şumer, "Bu gün biz defoltdan qaçırıq" deyib.

ABŞ prezidenti Co Bayden Konqresin vaxtında atdığı addımı yüksək qiymətləndirib: “Bu ikitərəfli razılaşma iqtisadiyyatımız və Amerika xalqı üçün böyük qələbədir”.

Qeyd edək ki, qanun layihəsi dövlət borcunun limitinin 2025-ci il yanvarın 1-dək dayandırılmasını nəzərdə tutur.

Bu, 2024-cü ilin payızında keçiriləcək prezident seçkilərindən sonra bu məsələyə qayıtmağa imkan verəcək. Bu qanun layihəsi iyunun 5-dən əvvəl baş verə biləcək bütün öhdəliklərini ödəmək üçün Xəzinədarlığın pulu bitməmişdən əvvəl təsdiq edilməli idi.

 

Aynurə Məcidova