ABŞ gizli şəkildə Çinlə yaxınlaşır

 ABŞ Mərkəzi Kəşfiyyat İdarəsinin direktoru Uilyam Börns may ayında rəsmilərlə danışmaq üçün Çinə gizli səfər edib.

Oxu24.com xəbər  verir  ki,  bu  barədə Financial Times beş mənbəyə istinadən açıqlama yayıb.

Mənbələr bildiriblər ki, səfər zamanı Börns Çin kəşfiyyatının nümayəndələri ilə görüşüb.

Qeyd olunur ki, Uilyam Bernsin səfəri ABŞ-ın Çinlə diplomatik əlaqələr qurmaq istəyi ilə bağlıdır.

Qəzet yazır ki, eyni məqsədlə Vaşinqton ABŞ dövlət katibi Entoni Blinkenin Pekinə səfərini bərpa etməyə çalışır. Onun səfəri yanvarın sonlarında ABŞ səmasında Çin hava şarı ilə bağlı insident səbəbindən ləğv edilib.

Amerika rəsmisi bildirib ki, digər məsələlərlə yanaşı, Uilyam Börns çinli həmkarlarını kəşfiyyat kanalları vasitəsilə açıq ünsiyyət xətlərini saxlamağa çağırıb.

Mənbələrdən biri bildirib ki, MKİ direktorunun diplomatik səfərlərinin üstünlüyü onların tam məxfi olmasıdır. Bundan əlavə, o, Bernsin müxtəlif ölkələrin kəşfiyyat xidmətləri ilə güclü əlaqələrinə işarə edib.

 

Tərcümə: Miri Məcidli