Ucarda güclü külək fəsadsız ötüşməyib.

Bu gün axşam saatlarında yağışla müşahidə olan güclü külək rayonun müxtəlif ərazilərində bir neçə iri gövdəli ağacı aşırıb.

Rayonun Azərbaycan küçəsində kanalizasiya sisteminin bərbad olması səbəbindən yağış suları evlərin həyətinə dolub.

Bundan əlavə qısa müddətli güclü külək nəticəsində elektrik təsərrüfatına da ziyan dəyib.

Bir neçə ərazidə naqillərdə baş verən qırılmalar səbəbindən rayonda elektrik enerjisi təchizatı müvəqqəti olaraq dayandırılıb.