Rusiyanın Kursk vilayətində pilotsuz təyyarə partlayıcı qurğunu yarımstansiyaya atıb.

Oxu24.com xəbər  verir  ki,bu barədə regionun rəhbəri Roman Starovoit özünün Telegram kanalında məlumat verib.

O qeyd edib ki, bunun nəticəsində Ukraynanın Sumı vilayəti ilə sərhədə yaxın yerləşən Plexovo, Quevo və Qornal üç kəndi enerjisiz  qalıb.

“Hazırda təmir qrupları bərpa işlərinə başlayıb. Sakinlərdən heç kim xəsarət almayıb”, - Starovoit bildirib.

Bundan əvvəl Kursk vilayətində 400-dən çox insanın yaşadığı Korneevski rayonunun 3 kəndi işıqsız qalıb. Bu, Qordeevka kəndinin hücumundan sonra baş verib. Hazırda elektrik enerjisinin verilişi bərpa olunub.

Miri Məcidli