Paşinyan: Şikayətini geri götürməsini oğlumdan xahiş etməmişəm

Ermənistanda bütün məsələlər qanuni yolla həll edilməlidir.

Oxu24.com  xəbər verir ki, bu barədə Ermənistanın Baş naziri Nikol Paşinyan bu gün keçirdiyi mətbuat konfransında oğlunun “oğurlanması” işi üzrə sualı cavablandırarkən deyib.

Paşinyan mətbuat konfransı zamanı qeyd edib ki, iş üzrə iddianın geri götürülməsi xahişi ilə oğluna müraciət etməyib.

O bildirib ki, bütün məsələlər qanunun tələblərinə uyğun həll olunmalıdır və Baş nazirin fəaliyyətinin məqsədi Ermənistandakı problemləri hüquqi yolla həll etməkdir.

Hamilə Sona Mnatsakanyanın qətli mövzusuna toxunan Baş nazir qeyd edib ki, işin gedişindən xəbərsizdir, lakin o, hər şeyin hüquqi prosedurlar çərçivəsində həll olunacağını gözləyir.

Xatırladaq ki, ötən ilin 26 aprelində Baş nazir Nikol Paşinyanın kortejini müşayiət edən yol polisi maşını hamilə qadın, 28 yaşlı Sona Mnatsakanyanı vuraraq öldürüb.

Sürücünün avtomobili saxlamayıb hadisə yerini tərk etməsi isə məlum olub.

Polisə qarşı Ermənistan Cinayət Məcəlləsinin 242-ci (nəqliyyat vasitələrinin istismarı qaydalarını pozma, ehtiyatsızlıqdan ölümə səbəb olma) maddəsinin 2-ci bəndi üzrə ittiham irəli sürülüb.