Çin G-20-nin Kəşmirdəki görüşündən imtina edib

Çin G-20 iclasından imtina edib.

Oxu24.com Bloomberg-ə istinadən xəbər verir  ki,Çin Xarici İşlər Nazirliyinin sözçüsü Vanq Venbin bildirib ki, Çin gələn həftə Hindistanın Cammu və Kəşmir şəhərində keçiriləcək G-20 turizm işçi qrupunun iclasında iştirak etməyəcək.

“Çin mübahisəli ərazidə G20-nin hər hansı görüşünün keçirilməsinə qəti şəkildə qarşıdır. Biz belə görüşlərə qatılmayacağıq”, – deyə Vanq Venbin Pekində keçirdiyi mətbuat brifinqində bildirib.

Hindistan bu il G-20-yə sədrlik edir. Sentyabrda baş tutacaq liderlərin sammiti öncəsi ölkə bir sıra görüşlər təşkil edib. Turizm işçi qrupunun iclasının 22-24 may tarixlərində Şrinaqar əyalətinin paytaxtında keçirilməsi planlaşdırılır ki, bu, Cammu və Kəşmirin 2019-cu ildə xüsusi statusunu itirməsindən sonra regionda ilk böyük beynəlxalq tədbirdir.

Sonra Hindistan hökuməti bu ştata xüsusi status verən 370-ci maddəni Konstitusiyadan çıxarmaq qərarına gəldi və onu iki ittifaq ərazisinə - Cammu və Kəşmir və Ladaxa bölmək üçün qanun layihəsi təqdim etdi. Qərardan əvvəl ştatda hərbi birləşmələr, komendant saatları, ştatda internet və mobil telefonların kəsilməsi və yerli siyasi liderlərin həbsləri baş verib.

Keçmiş Cammu və Kəşmir Knyazlığının ərazisinin sonradan dövlətə çevrilən Hindistana məxsus olması Pakistan və Çin tərəfindən mübahisəlidir. Pakistan Azad Kəşmir və Gilgit-Baltistana bölünən Kəşmirin bir hissəsinə nəzarət edir. Çin əhalinin az məskunlaşdığı, lakin strateji əhəmiyyət kəsb edən Aksay Çin bölgəsinə və Ladaxdakı yüksək dağlıq ərazilərin bir hissəsinə nəzarət edir.

 

Aynurə Məcidova