İsrail və "İslami Cihad" atəşkəsə razılaşıb

Oxu24.com xarici mediaya istinadən xəbər  verir  ki, İsrail nümayəndələri ilə Fələstinin “İslami Cihad” qruplaşması arasında aparılan danışıqlardan xəbərdar olan mənbələr BBC-yə bildiriblər ki, tərəflər yerli vaxtla saat 22:00-dan (Bakı vaxtı ilə 23:00) atəşkəs barədə razılığa gəliblər.

İsrail və Fələstin nümayəndələri arasında danışıqlar Misirin vasitəçiliyi ilə aparılıb.

Cümə günü İsrail ordusu və Qəzzadakı Fələstin yaraqlıları arasında raket hücumları davam edib. Bu gün münaqişənin gərginləşməsinin başlanmasından bəri dörd gün ərzində ilk dəfə olaraq Qüds yaxınlığındakı yəhudi yaşayış məntəqələri atəşə tutulub.

Buna cavab olaraq İsrail Qəzzada İslami Cihad yaraqlılarını atəşə tutub. Onlar çərşənbə axşamı sələfinin ölümündən sonra İsrailə raket hücumlarına rəhbərlik edən altıncı cihadçı komandirin öldüyünü bildiriblər.

İsrail tərəfinin məlumatına görə, hərbçilər bu həftə İslami Cihadın 170 hədəfini vurub, yaraqlılar isə Qəzzadan 860-dan çox raket atıb, onların əksəriyyəti ya yaşayış məntəqələrindən kənara düşüb.

Ümumilikdə, çərşənbə axşamından bu yana qarşıdurmada 30-dan çox adam ölüb, 90-dan çox insan yaralanıb. Bunlar əsasən fələstinlilərdir və Fələstin tərəfinin fikrincə, onların yarısına qədəri mülki şəxslərdir. Eyni müddət ərzində İsrail tərəfində 1 nəfər ölüb, 5 nəfər yaralanıb.

 

Miri Məcidli