ABŞ-ın Florida ştatında çinlilərə əkin sahələri almağa qadağa qoyulub

ABŞ-da 2024-cü ildə keçiriləcək prezident seçkilərində namizəd olacağı gözlənilən Florida qubernatoru Ron DeSantis, çinli şəxslərin və təşkilatların kənd təsərrüfatı torpaqları və əyalət daxilində hərbi obyektlərin yaxınlığında torpaq almasına mane olan qanun layihəsini təsdiqləyib.

Oxu24.com xəbər verir  ki, bu  barədə  Florida qubernatorunun bəyanatında qeyd olunub.

Bu kontekstdə DeSantis, Çin və ÇKP filiallarına ABŞ vətəndaşları və ya daimi sakinlər olmadıqca Floridada əkinçilik torpaqları almağı qadağan edən qanun layihəsini qəbul edib.

DeSantis kənd təsərrüfatı torpaqlarının əcnəbilərə verilməsini məhdudlaşdırdıqlarını bildirib.

Qanun layihəsi həmçinin çinlilərin Floridadakı Amerika hərbi obyektlərinə yaxın ərazilərdən müəyyən ölçüdə torpaq almasına mane olur. Rusiya, Kuba, İran, Suriya və Venesuela vətəndaşlarına da hərbi bazaların yaxınlığında əmlak alması qadağan edilib.

DeSantis həmçinin universitetlərin və məktəblərin dövlət təhsil şurasının təsdiqi olmadan xarici təhsil müəssisəsindən qrant qəbul etməyi qadağan edən qanun layihəsini də imzalayıb.

 

Tərcümə: Miri Məcidli