Əsirlikdən qayıdan çeçen döyüşçü Kadırovdan üzr istəyib

Ukrayna əsirliyindən sonra Rusiyaya qayıdan “Şimal-Axmat” çeçen alayının döyüşçüsü Tamirlan Həmidov Çeçenistan rəhbəri Ramzan Kadırovdan və Ukraynada döyüşən çeçenlərdən ictimaiyyət qarşısında üzr istəyib.

 

Oxu24.com xəbər verir  ki, onun  çeçen dilində səsləndirilən videosu Kadırovun rəsmi teleqram kanalında yayımlanıb.

 Xamidov 2023-cü ilin fevralında Kadırova verilən titula görə Çeçenistan rəhbərini “xalqın atası” adlandırır. O, təslim olmağa sursat çatışmazlığı ilə haqq qazandıra bilməyəcəyini deyir və yenidən cəbhəyə gedəcəyini vəd edir. Həmidov Rusiyanın Ukraynaya qarşı başlatdığı müharibədə keçmiş məhbusların “canlarını verməyə” hazır olduqlarını da vurğulayır.

Xamidovdan başqa, aprelin ortalarında əsirlikdən Qroznıya daha dörd Kadırovçu qayıdıb. Sonra onların 2022-ci il dekabrın 14-də mərmi zərbəsi altında tutulduqları bildirildi. Çeçenistan parlamentinin sədri Maqomed Daudov qeyd edib ki, bu insanlar “cəsarət və vətənə sədaqət nümunəsi göstəriblər”.

Lakin Ramzan Kadırov onlarla görüşməkdən imtina edib, onları kifayət qədər hazırlıqlı olmamaqda günahlandırıb və təslim olmaqla bu yolla “döyüşdən yayınmağa” cəhd etmədiklərinə şübhə edib.

 

Tərcümə: Aynurə Məcidova