Rusiya qırıcısı Polşa təyyarəsinin qarşısını alıb

Polşanın L410 Turbolet sərhəd təyyarəsi Qara dəniz üzərində Rumıniya hava məkanı yaxınlığında uçarkən Rusiyanın Su-35 qırıcısı tərəfindən tutuldu və bu təyyarə öz manevrləri ilə yüksək səviyyədə turbulentlik və Polşa təyyarəsinə nəzarətdə ciddi çətinliklər yaradıb.

 

Oxu24.com xəbər  verir  ki,Bu barədə Rumıniya Müdafiə Nazirliyinin saytı məlumat yayıb.

Qeyd olunur ki, hava hadisəsi mayın 5-i cümə günü, yerli vaxtla günorta saat 13:20 radələrində baş verib.

Let L-410 Turbolet yerli aviaşirkətlər üçün çoxfunksiyalı, yüngül çoxməqsədli, iki mühərrikli təyyarədir.

“Rusiya qırıcılarının Polşa təyyarələri yaxınlığında dəfələrlə həyata keçirdikləri aqressiv və təhlükəli manevrlər yüksək səviyyədə turbulentlik yaradıb və Polşa təyyarələrinin idarə olunmasında ciddi çətinliklər yaradıb”, - nazirliyin bəyanatında deyilir.

Belə hərəkətlərdən sonra hava polisinin tapşırıqlarını yerinə yetirmək üçün nəzərdə tutulmuş Rumıniya Hərbi Hava Qüvvələrinin iki döyüş təyyarəsi və İspaniya Hərbi Hava Qüvvələrinin iki döyüş təyyarəsi İspaniyanın Torrexon şəhərindəki NATO Birgə Hava Əməliyyatları Mərkəzi tərəfindən xəbərdarlıq edilib.

"Dörd təyyarə hər an müdaxilə etməyə hazır olsa da, onların müdaxiləsinə ehtiyac yox idi", - Rumıniya Müdafiə Nazirliyi bildirib.

Nəşr onu da yazır ki, polşalı ekipaj “rus pilotunun məsuliyyətsiz şəkildə yaratdığı vəziyyətdə sakit və peşəkarcasına hərəkət edib və Su-35 təyyarəsinin manevrləri nəticəsində ilkin hündürlük itkisindən sonra təyyarəyə tam nəzarət edə bilib”.

 

Tərcümə: Aynurə Məcidova