Ukraynaya 80 ədəd "Leopard 1" tankı veriləcək

Danimarka Almaniya ilə birlikdə iyunun 1-dək Ukraynaya 80 ədəd "Leopard 1" tankını təhvil verəcək.

 

Oxu24.com  xəbər verir ki, bunu Danimarkanın müdafiə naziri Troels Lund Poulsen TV2 telekanalına açıqlamasında deyib.

Nazir Ukraynaya ediləcək gələcək hərbi tədarükün həcminin çox böyük olacağını qeyd edib. Ukraynalı hərbçilərə "Leopard 1" tanklarının idarə edilməsi ilə bağlı təlimlərin danimarkalı instruktorlar tərəfindən keçiləcəyi bildirilib.

Məlumata görə, Danimarka hökuməti ukraynalı hərbçilərə təlimlərin keçilməsi və tankların çatdırılması üçün 1 milyard kron (1,5% milyard dollar) ayırıb.

 

Miri Məcidli