Xüsusilə təhlükəli  terrorçu  zərərsizləşdirilib

İraqın şimalında, Qara bölgəsində Türkiyə xüsusi xidmət orqanları PKK-nın “xüsusi təyinatlıları”nın maddi-texniki təminatına “məsul olan” xüsusi təhlükəli terrorçu Neçirvan Seven-i zərərsizləşdirib.

 

Oxu24.com xəbər verir  ki,Ankaradakı təhlükəsizlik mənbələrindən verilən məlumata görə, Neçirvan Seven Firaz Zilan çağırış işarəsindən istifadə edərək küçə etirazlarının təşkilində və Türkiyə təhlükəsizlik qüvvələrinin üzvlərinə hücumlarda iştirak edib.

 

Yaraqlı qanlı təşkilatın sıralarına 2015-ci ildə qoşulub. O, 2015-ci ilin fevral ayına qədər Türkiyədə fəaliyyəti qadağan edilmiş Vətənpərvər İnqilabçı Gənclik Hərəkatının (YDG-H) üzvü olub, Türkiyədə sabitliyi pozmağa çalışıb.

 

Qeyd olunur ki, əməliyyatı Türkiyə Milli Kəşfiyyat Təşkilatı (MİT) həyata keçirib.

 

Tərcümə: Miri Məcidli